Friday, November 12, 2010

வாட்டர் பாட்டில் பயன்படுத்துவோர் கவனத்திற்கு

நம்மில் பெரும்பாலனோர் மினரல் வாட்டர் பாட்டில்களை மறு உபயோகம் செய்வதால் ஏற்படும் ஆபத்தினை அறியாமல் உபயோகித்துக் கொண்டிருக்கிறோம். வீட்டிலும், பணியிடத்திலும், பிரபல நிறுவனங்களின் (எ.கா. அக்வபினா, பிஸ்லெரி,கின்லே, நெஸ்லே) மினரல் வாட்டர் பாட்டில்களை மறு உபயோகம் செய்து வருகிறோம். இது கண்டிப்பாக உடல் நலத்திற்கு உகந்தது அல்ல.

இது போன்ற மினரல் வாட்டர் பாட்டில்கள், பாலீதீன் டேரிப்திலட் என்ற பொருளை உபயோகித்து தயாரிக்கப்படுகிறது. இதில் ஹைட்ராகிளைமின் உள்ளது. இந்த பிளாஸ்டிக் பாட்டில்கள் ஒருமுறை உபயோகிக்க மட்டும் பாதுகாப்பானது. அதிகபட்சம் ஒரு வாரம் மட்டுமே அதிக சூடு இல்லாத இடத்தில் வைத்து உபயோகிக்கலாம். அதற்க்கு மேல் மீண்டும் மீண்டும் பாட்டில்களைக் கழுவி உபயோகிப்பதால் இதிலுள்ள பிளாஸ்டிக் கரைந்து கார்சினொஜென்ஸ் (புற்று நோயை ஏற்படுத்தக்கூடிய வேதியியல் துகள்கள்). குடிக்கும் நீரில் கலக்க ஆரம்பித்து விடும். எனவே மறு உபயோக தகுதியுள்ள வாட்டர் பாட்டில்களை மட்டும் உபயோகிக்க வேண்டும்.

மறு உபயோகத்திற்கான பாட்டில்கள் எது என்பதை எப்படி தெரிந்து கொள்வது? பாட்டில்களின் அடிப்பகுதியில் முக்கோண சின்னமும், அதில் ஒரு எண்ணும் பொறிக்கப்பட்டிருக்கும். அந்த எண் ஐந்து மற்றும் அதற்க்கு மேல் இருந்தால் அந்த பாட்டில் மீண்டும் மீண்டும் உபயோகிக்க தகுதியானது. ஐந்திற்கு கீழே இருந்தால் அதை மறு உபயோகம் செய்யக்கூடாது. எல்லா மினரல் வாட்டர் பாட்டில்களிலும் பொறிக்கப்பட்டிருக்கும் நம்பர் ஒன்று. எனவே அது மறு உபயோகத்திற்கு சிறிதும் தகுதியற்றது. (இவை வெளியிடும் வேதியியல் பொருட்கள் புற்று நோயை உண்டாக்கும் குணம் படைத்தவை ).

எனவே நம்பர் ஐந்தோ அதற்கு மேலோ பொறித்த பிளாஸ்டிக் வாட்டர் பாட்டிலை வாங்கி உபயோகிப்போம், ஆரோக்கியம் காப்போம்.

Wednesday, November 10, 2010

கேஸ் சிலிண்டருக்கும் உண்டு காலாவதி தேதி

எல் .பி. ஜி. கேஸ் சிலிண்டருக்கும்காலாவதி தேதி உண்டு, காலாவதியான சிலிண்டரை உபயோகிப்பதால் ஏற்படும் ஆபத்து பற்றி நம்மில் எத்தனை பேருக்கு தெரியும்?
காலாவதியான சிலிண்டரை உபயோகிக்கும்போது அதில் வாயு கசிவுஏற்ப்பட்டு ஆபத்து ஏற்படலாம்.

சரி, காலாவதியான எல்.பி.ஜி.கேஸ் சிலிண்டரை எப்படி கண்டு பிடிக்கலாம்? சிலிண்டரை பிடித்து தூக்கும் இடத்தில் மூன்று செங்குத்தான பட்டிகள் இருக்கும். அதில் ஒன்றில் A, B, C, அல்லது D, என்ற ஆங்கில எழுத்தும் அதனுடன் இரண்டு எண்களும் குறிக்கபபட்டிருக்கும் (எ .கா D06 ).ஆங்கில எழுத்துக்கள் காலாண்டை குறிக்கிறது. மேலும் எந்த காலாண்டு வரை உபயோகிக்கலாம் என்பதையும் குறிக்கிறது.
A என்றால் மார்ச் (முதல் காலாண்டு).
B என்றால் ஜூன் (இரண்டாம் காலாண்டு ).
C என்றால் செப்டம்பர் (மூன்றாம்காலாண்டு).
D என்றால் டிசம்பர் (நான்காம் காலாண்டு )
பொறிக்கப்பட்டிருக்கும் எண்கள் அது எந்த ஆண்டுவரை உபயோகிக்க தகுதியனானது என்பதை குறிக்கிறது. D06 என்றால் டிசம்பர் 2006 வரை உபயோகிக்கலாம்.

இன்னோர் எடுத்துக்காட்டு. C12 என்று சிலிண்டரில் பொறிக்கப்பட்டிருந்தால் அது செப்டம்பர் 2012 வரை உபயோகிக்க தகுதியானது.

Tuesday, November 9, 2010

தமிழ் வலை தளங்கள்- தொகுப்பு

அடித்தட்டு மக்களிடம் அந்நியப்பட்டிருந்த காலமெல்லாம் மலையேறி, தற்போது பாமர மக்களும் வலை தளங்களை பயன்படுத்தும் நிலை வந்து விட்டது. தற்போது வெளிவரும் அலைப்பேசிகளில் தமிழ் தளங்களையும் பார்க்க முடிவதால் இந்த எண்ணிக்கை இன்னும் அதிகமாகி வருகிறது. உங்கள் அலைப்பேசியில் தமிழ் தளங்களைப் பார்க்க முடியவில்லையெனில் அதை எப்படி செயல்படுத்துவது என தெரிந்து கொள்ள இங்கே சுட்டுங்கள்

தமிழிலுள்ள சில முக்கிய வலை தளங்களின் சுட்டிகளைத் தொகுத்துள்ளேன்.

முக்கிய நாளிதழ்கள்
தினகரன்
தினமலர்
தினமணி
மாலைமலர்
தினபூமி
வீரகேசரி(இலங்கை)
யாழ்(இலங்கை)

செய்திகள்
கூகிள்
பிபிசி தமிழ்
தமிழ் சிபி
வெப்துனியா
யாஹூ
தட்ஸ் தமிழ்

முக்கிய இதழ்கள்
விகடன்
குமுதம்
நக்கீரன்
கல்கி
தமிழன் எக்ஸ்பிரஸ்
பாக்யா

தகவல் களஞ்சியங்கள்
விக்கிபீடியா
களஞ்சியம்
அருவம்
சாந்தன்

தமிழ் அகராதிகள்
விக்சனரி
tamilpadi.com/

வரலாறு
varalaaru.com

சட்டம்
மக்கள் சட்டம்

உணவு சமையல்
அறுசுவை

இணைய இதழ்கள்
வார்ப்பு(கவிதை இதழ்)
திண்ணை
கீற்று
பதிவுகள்
பூங்கா
தமிழ்வாணன்
கூடல்
நிலாச்சாரல்

திரட்டிகள்
தமிழ்மணம்
திரட்டி
தமிழ்வெளி
இன்ட்லி
யுடான்ஸ்
மருத்துவம்
தமிழ் மருத்துவம்
அரசியல்
சவுக்கு

Wednesday, November 3, 2010

உங்கள் கைப்பேசியில் தமிழில் இணைய தளங்களை வாசிக்கலாம்!

கைப்பேசியின் பயன்பாடு நாளுக்கு நாள் விரிந்து கொண்டே செல்கிறது. குறிப்பாக GPRS வசதியால் கணினியின் பயன்பாடு குறைந்து விட்டது எனலாம். இணைய தளங்களை கைப்பேசியிலே பார்க்க முடிகிறது. தற்போது தமிழகத்தில் விற்கப்படும் முக்கிய நிறுவனங்களில் தமிழ் Font இருப்பதால் தமிழ் இணைய தளங்களையும் பார்க்க முடிகிறது. என்றாலும் சில பழைய மாடல்களிலோ அல்லது வெளிநாடுகளில் வாங்கும் கைப்பேசிகளிலோ தமிழில் பார்க்கும் வசதி இருப்பதில்லை. அதற்காக நீங்கள் இனி கவலைப்பட தேவையில்லை. உங்கள் கைப்பேசிகளிலும் தமிழ் தளங்களைப் பார்க்க முடியும்! எப்படி? இதோ அதற்கான வழிமுறை

முதலில் உங்கள் கைப்பேசியில் opera mini என்ற இணைய உலாவி உள்ளதா என்று பாருங்கள். இல்லையென்றால் இங்கே கிளிக் செய்து பதிவிறக்கம் செய்து கொள்ளுங்கள். பிறகு,

1. opera mini browser open செய்யவும்

2. அட்ரஸ் பாரில் opera:config என்பதை தட்டச்சு செய்து OK கொடுக்கவும். (www என்று தெரியும் எழுத்துக்களை நீக்கிவிட வேண்டும்)

3. கீழே படத்தில் உள்ளது போல வரும் "பவர் யூஸர் செட்டிங்ஸ்" பக்கத்தில் use bitmap fonts for complex scripts menu என்பதில் enable YES கொடுத்து save செய்யவும்.
மீண்டும் ஒபெரா மினியை restart செய்யவும்.

இப்பொழுது ஏதேனும் தமிழ் தளத்தினை பார்க்கவும். தமிழ் எழுத்துருக்கள் தெளிவாக தெரிய ஆரம்பிக்கும்.
பின்குறிப்பு: நாம் கூறிய Use bitmap fonts  என்ற ஆப்ஷனை எனேபிள் செய்யும் வரை யுனிகோடு தமிழ் தள எழுத்துருக்கள் கட்டம் கட்டமாகத் தான் தெரியும். ஒரு முறை எனேபிள் செய்துவிட்டால் போதும். இனி எப்போது வேண்டுமானாலும் நீங்கள் தமிழ் தளங்களை பார்க்க இயலும்.